ਮਿਲੀ ਜਾਣਕਾਰੀ ਅਨੁਸਾਰ ਸ੍ਰੀ ਮੁਕਤਸਰ ਸਾਹਿਬ ਦੇ ਨੇੜਲੇ ਪਿੰਡ ਸੱਕਾਂਵਾਲੀ ਦੇ ਵਸਨੀਕ ਭਾਨਾ ਬਰਾੜ ਸੱਕਾਂਵਾਲੀ ਨੇ ਦੱਸਿਆ ਕੇ ਪਿੰਡ ਸੱਕਾਂਵਾਲੀ ਤੋਂ ਸੰਗਰਾਣਾ ਰੋਡ ਸੜਕ ਕਾਫੀ ਮਹੀਨੇ ਪਹਿਲਾਂ ਬਣ ਕੇ ਤਿਆਰ ਹੋ ਚੁੱਕੀ ਹੈ ਅਤੇ ਸੜਕ ਦੇ ਆਸੇ ਪਾਸੇ ਸਿਰਫ ਬੱਜਰ ਅਤੇ ਪੱਥਰ ਪਾ ਕੇ ਉੱਚਾ ਕੀਤਾ ਗਿਆ ਹੈ ਪਰ ਕਿਨਾਰਿਆਂ ਤੇ ਮਿੱਟੀ ਨਹੀਂ ਪਾਈ ਗਈ। ਜਿਸ ਕਰਕੇ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਹੈ ਅਤੇ ਸੜਕ ਟੁੱਟਣ ਦਾ ਖ਼ਤਰਾ ਵੀ ਹੈ।
ਉਹਨਾਂ ਕਿਹਾ ਕੇ ਇਸ ਸਬੰਧ ਵਿਚ ਜਦੋਂ ਮਹਿਕਮੇ ਦੇ ਇਕ ਅਧਿਕਾਰੀ ਨੂੰ ਫੋਨ ਕੀਤਾ ਗਿਆ ਤਾਂ ਉਹਨਾਂ ਨੇ ਇਹ ਕਿਹਾ ਕੇ ਸਾਡੇ ਠੇਕੇਦਾਰ ਦਾ ਭਰਾ ਵੋਟਾਂ ਵਿੱਚ ਖੜਾ ਹੋਇਆ ਅਤੇ ਉਹ ਬਾਅਦ ਵਿਚ ਇਸ ਪਾਸੇ ਵੱਲ ਧਿਆਨ ਦੇਣਗੇ।
ਪਿੰਡ ਦੇ ਵਸਨੀਕ ਜਸਕਰਨ ਸਿੰਘ ਵੱਲੋਂ ਅੱਜ ਮਿੱਟੀ ਦੀਆਂ ਟਰਾਲੀਆਂ ਲਾ ਕੇ ਕਿਨਾਰਿਆਂ ਨੂੰ ਮਜਬੂਤ ਕੀਤਾ ਗਿਆ ਪਰ ਪ੍ਰਸ਼ਾਸਨ ਨੂੰ ਸਵਾਲ ਆ ਕਿ ਠੇਕੇਦਾਰ ਪੈਸੇ ਲੈਕੇ ਫੁਰ ਹੋ ਜਾਂਦੇ ਆ ਅਤੇ ਕਿਸਾਨਾਂ ਨੂੰ ਮਹਿੰਗੇ ਭਾਅ ਦਾ ਡੀਜ਼ਲ ਅਤੇ ਮਿੱਟੀ ਆਪਣੀ ਮਿਹਨਤ ਦੀ ਕਮਾਈ ਵਿਚੋਂ ਖ਼ਰਚ ਕਰਨੀ ਪੈ ਰਹੀ ਹੈ।
ਪਿੰਡ ਵਾਸੀਆਂ ਨੇ ਪ੍ਰਸ਼ਾਸ਼ਨ ਨੂੰ ਅਪੀਲ ਕੀਤੀ ਹੈ ਕਿ ਜਲਦ ਤੋਂ ਜਲਦ ਇਸ ਮਸਲੇ ਦਾ ਹੱਲ ਕੀਤਾ ਜਾਵੇ ਅਤੇ ਠੇਕੇਦਾਰ ਵੋਟਾਂ ਨੂੰ ਛੱਡ ਕੇ ਪਹਿਲਾਂ ਸੜਕ ਦਾ ਰਹਿੰਦਾ ਕੰਮ ਪੂਰਾ ਕਰਨ।
No comments:
Post a Comment